پینٹاگون کے باہر حملے میں ایک پولیس افسر ہلاک، کئی زخمی، امریکہ کی سب سے اہم عمارت کو سیل کر دیا گیا

واشنگٹن (ویب ڈیسک) امریکی محکمہ دفاع (پینٹاگون) کی عمارت کے باہر مشتبہ شخص کے حملے میں پولیس اہلکار ہلاک اور کئی افراد زخمی ہو گئے ہیں۔

نجی ٹی وی ایکسپریس نیوز کے مطابق امریکی دارالحکومت واشنگٹن ڈی سی کے نواحی علاقے آرلنگٹن میں واقع امریکی محکمہ دفاع کی عمارت ’پینٹاگون‘ کے باہر ایک بس اور سب وے اسٹیشن میں مشتبہ شخص کے حملے کے نتیجے میں ایک پولیس افسر ہلاک اور متعدد افراد زخمی ہوگئے۔

آگے بھی پڑھیں: افغان خفیہ ادارے کی عمارت کے قریب دھماکہ، سکیورٹی اہلکار سمیت 3افراد زخمی

واقعے کے فوری بعد سب وے سروس کو عارضی طور پر معطل اور وہاں جانے والی بسوں کو دیگر مقامات کی طرف بھیج دیا گیا، جب کہ پینٹاگون میں کام بند کرکے وہاں موجود افراد کو ایک گھنٹے سے زائد وقت کے لیے ایک خاص جگہ پر پناہ لینے کا حکم دے دیا گیا۔جائے وقوعہ کو کلیئر کرنے کے بعد پینٹاگون کی عمارت کی سیکیورٹی پر مامور ’پینٹاگون فورس پروٹیکشن ایجنسی‘ کے سربراہ ووڈرو کُس نے اپنے بیان میں کہا کہ جائے وقوعہ محفوظ ہے اور اب وہاں کوئی خطرہ نہیں ہے، فیڈرل بیورو آف انویسٹی گیشن (ایف بی آئی)معاملے پر تحقیقات میں مدد کر رہا ہے‘۔
غیر ملکی خبر ایجنسی کا دعویٰ ہے کہ حملہ آور کی شناخت 27 سالہ آسٹن ولیم لانز کے طور پر ہوئی ہے۔ جس نے ہلاک ہونے والے افسر کی گردن پر چاقو سے حملہ کیا تھا۔ بعد ازاں وہاں موجود افسران نے فائرنگ کرکے مشتبہ حملہ آور کو بھی ہلاک کردیا۔امریکی محکمہ دفاع کے ترجمان جان کربی کا کہنا تھا کہ حملے کے وقت وزیر دفاع لائڈ آسٹن عمارت میں نہیں تھے۔ وہ امریکی صدر جو بائیڈن کے ساتھ ایک میٹنگ میں تھے۔

متعلقہ خبریں

امریکا نے خاشقجی کے قا تل سعودی ولی کو ٹھرا دیا

بھارتی فلم ’’نریندرمودی‘‘پر رلیز سے پہلے ہی بحث

مودی سے متاثر بھارتی اداکارہ نے بی جے پی میں شمولیت لے لی

45سوالات کے جواب ریکارڈ؛العزیزیہ ریفرنس

کراچی رینجرز: سائبر کرائم میں ملوث گروہ گرفتار

معذوزوں کو با اختیا ر بنا نے اور رکا وٹیں ہٹا نے کا بل تیا ر ہے